Nga Ylli Dylgjeri
Ishim shtrirë në bar, si në fushat e Kasharit, në lulishten përpara Universitetit të Medias, në Tullsa të Oklahomës me një koleg gazetar, sot drejtues i një institucioni qëndror.
Kur dëgjoj një thirrje që i doli nga shpirti:
Kemi një muaj këtu, e nuk na erdhi një amerikan t’na rekrutojë spiun mor aman?
Qesha me të madhe.
Kërkonte të bëhej bashkëpuntor i Aleatit tonë të madh!
Dështoi.
Nuk e ftoi kërkush.
Një tjetër ngjarje si kjo ndodhi në vitin ‘92 në recepsionin e ambasadës së SHBA në Tiranë.
Një ish-kapterr ushtrie thërriste:
Dua shefin e sigurimit, kam një sekret!
Fol- ja ktheu citofoni.
Unë jam.
Ca sekreti ke?
Kapterri ja kthen:
Shqiperia ka 4 nëndëtse!
Citofoni: Ik mor legen se i dimë…
Nga ajo kohë nuk kisha dëgjuar që një shqiptar të kapej nga shërbimet për agjenturë!
Edhe kur isha 4 vite në kreun e MB.
Por ja që ndodhi.
Media njoftojnë tërë këto ditë se SHISH me vigjilencën revolucionare që e karakterizon, arriti të neutralizojë spuunin “Çelsi”!
Bravo SHISH. Ka “Çeles” po ka dhe çelës kopil shteti.
U kap.
Bijtë e nënave ja treguan vendin spiunit të atdheut…
Po çar sekretesh ka në këtë vend mor aman?
Nëpunësit largohen nga zyrat çdo ditë nga Partia.
Arkivat janë bërë si brekët e Shukriut.
Vrima – vrima.
Me mijëra faqe të tjera janë të vjedhura në Hipotekën e Lames.
Që nuk e di pse nuk po e thërrasin akoma!
Armatimet i bëri skrap shoku Pandi e të tjerë. 1200 reparte e pika hapje kanë dalë në publikim për të privatizuar.
Nëndetësja 105 është bërë ndryshk e pret të hyjë në muze, të tjerat baza e aeroporte u janë dhënë aleatëve strategjikë, të tjerat investitorëve strategjikë.
Çfar sekreti ka mbetur?
Tenderat Sekret apo Satelitët që dështuan?
Si përfundim këtij vendi i kanë mbetur vetëm…allatet.
Tani po i përdorim për njëri – tjetrin.