Misteri i Bermudës merr fund, Basha jep lajmin e madh

Kreu i Partisë Demokratike, Lulzim Basha, ka publikuar në rrjetet sociale pjesë nga fjala e tij sot në Kuvend.

Ndër të tjera, kreu i demokratëve ka vënë theksin tek deklarata e fortë, ku për herë të parë sulmoi edhe presidentin Ilir Meta. Basha i cilësoi si “Trekëndëshi i Bermudës”, Ramën, Berishën dhe Metën.

Postimi i plotë:

Pra që t’i themi gjërat shkoqur dhe qartë, këtu ka një betejë midis 30 viteve llum të tranzicionit, ku padiskutim maja e llumit je ti, padiskutim llumi nuk i takon vetëm një partie, kemi edhe ne pjesën tonë të llumit, por unë të siguroj që atë pjesë tonën të llumit që e ke peshkuar mirë tetë vitet e shkuara, një pjesë e ke pasuruar, një pjesë e ke graduar, një pjesë e ke grepuar, e ke përdorur, e ke hedhur kundër opozitës, e ke hedhur kundër ndryshimit, kundër proceseve demokratike, që në fund të fundit çfarë janë?!

Janë mënyra e një shoqërie për të zgjidhur mosmarrëveshjet. Pa kaluar në përplasje sociale. Atë pjesë të llumit Partia Demokratike dhe unë jemi të vendosur ta pastrojmë deri në fund. Sado të subvencionosh ti oligarkët dhe mediat e kapura për të kundërtën. Sakrifica e demokratëve, në emër të shqiptarëve, nuk do të shkojë kot. Masakra zgjedhore e 25 prillit nuk do të mbajë gjatë.

Vendosmëria ime është e pakthyeshme!

“Trekëndëshi i Bermudës” i ka ditët e numëruara! Kështu që jepini gajret njëri-tjetrit sa të doni, por shpëtim, nga ajo për të cilën i keni hyrë në hak shqiptarëve, ti i pari dhe mbi të gjithë, nuk keni për të pasur. Gjërat kanë ndryshuar një herë e mirë. Një pas një, brinjët e “Trekëndëshit të Bermudës” do të bien! Shqiptarëve do t’u hapet rruga e mbyllur 30 vite.

Read Previous

Basha sulmon Metën dhe barazon Berishën me Ramën

Read Next

Muç Nano: Edhe sikur të mos ekzistonte Berisha, Basha nuk vjen kurrë në pushtet!

Leave a Reply

Your email address will not be published.