Lulzim Basha i quajti oligarkë ata që Rama preferoi t’i konsideronte “sipërmarrës dhe bizesmenë të mëdhenj” gjatë seancës në parlament dhe si rrallëherë ka folur me emra për ta në parlament, duke i lidhur me akuzat për kontrabandë nafte apo me bashkëpuntorë të trafikut të drogës. Basha përmendi Shefqet Kastratin dhe Samir Manen, të parin për kontrabandë nafte dhe të dytin për tenderin e tunelit të Llogarasë.
Basha shumë mirë bën që ka marrë guximin dhe ka përmendur me emra “oligarkët”, po ai më parë duhet të japë shpjegime pse e shoi protestën e kuksianëve për traun në Rrugën e Kombit, pse i shiti ata?
A mos vallë baca Çet atëherë nuk ishte “oligark”? Apo sot baca i ka dhënë leje Lulit që t’i shajë me emra për qëllime forcimi pozitash brenda partisë.
Çdo radikalizimi i prin një proces përpara, dhe nuk radikalizohet dot opozita në një ditë me shi si kjo, dhe në një ditë që brenda partisë ke furtunë.