Ish-kryeministri Sali Berisha ka folur mbrëmjen e sotme për deklaratat e motrave Haklaj, të cilat kanë ngritur padi në SPAK ër vrasjet e vëllezërve të tyre, duke pretenduar se ato janë urdhëruar nga kreu i PD-së.
Berisha mohoi pretendimet e tyre në emisionin e Erla Mëhillit, ndërsa ngriti akuzat se motrat Aishe dhe Zylfie Haklaj janë vrasëse.
“Njëra prej tyre është vrasëse e mirëfilltë, Zylfia, ka vrarë në mes të kafenesë 2 vetë dhe absolutisht kjo ka vrarë. Është bandë shtetërore, ishin kapitenë, oficerë të gjithë me grada ishin ata. Ata e nxjerrin se sipas tyre i kam vrarë unë. Vërtetë janë vrarë shumë, por kanë vrarë shumë më tepër dhe vrasjet e tyre janë më të shumta se të 100 viteve të marra se bashku në Tropojë. Tropoja ka qenë vend me shumë pak vrasje”, theksoi ai.
