Nesër, në raundin e katërt të zgjedhjes së pasuesit të Ilir Metës, Kuvendi pritet të votojë kandidatin për President.
Partia Demokratike e drejtuar nga Sali Berisha pritet që të marrë pjesë në seancën e ditës së nesërme në Kuvend. Megjithatë, Berisha e ka bërë të qartë që vota e tij do të jetë kundër çdo kandidature.
Kujtojmë se që në fillim të procesit Berisha ka akuzuar kreun e qeverisë Edi Rama se emri i pasuesit të Metës ka qenë i paracaktuar ndërsa pretendimet e mazhorancës për një drejtues shteti konsensual, sipas tij, kanë qenë thjesht një farsë.
