Kryebashkiaku i Tiranës, Erion Veliaj, qëndron pas gjyqtares Blerina Muça, e cila do të shqyrtojë ankimin e bërë nga Enkelejd Alibeaj kundër njohjes së kuvendit të 11 dhjetorit të Komisionit të Rithemelimit.
Detaji është zbuluar sot nga ish-kryeministri Sali Berisha në formë denoncimi, gjatë një konference për mediat.
Sipas Berishës, gjyqtares Muça i është premtuar nga Veliaj se do të kalojë Vettingun dhe ajo në këmbim do të vendosë kundër njohjes së Kuvendit të 11 dhjetori.
