Rusia është “kërcënimi më i drejtpërdrejtë” për rendin ndërkombëtar për shkak të pushtimit të Ukrainës, tha të enjten presidentja e Komisionit Evropian Ursula von der Leyen në Tokio.
Rusia “është sot kërcënimi më i drejtpërdrejtë për rendin botëror me luftën barbare kundër Ukrainës dhe paktin e saj shqetësues me Kinën”, tha ajo pas takimit me kryeministrin japonez Fumio Kishida së bashku me presidentin e Këshillit Evropian Charles Michel.
Zyrtarët më të lartë të BE-së janë në Tokio për një raund vjetor bisedimesh që vjen me tubimin e shumicës së komunitetit ndërkombëtar për të bërë presion ndaj Moskës për luftën në Ukrainë, me shqetësimin që po rritet edhe për rolin e Kinës.
“Pushtimi rus i Ukrainës nuk është vetëm një çështje e Evropës, por ai trondit thelbin e rendit ndërkombëtar duke përfshirë Azinë. Kjo nuk duhet të tolerohet”, tha Kishida, qeveria e së cilit i është bashkuar sanksioneve të ashpra ndaj Moskës, duke përfshirë energjinë.
