Larja e hesapeve është pista kryesore ku po hetojnë autoritetet greke për vrasjen e shqiptarit në Athinë dhe plagosjes së shokut të tij.
Ngjarja e rëndë ndodhi jashtë ambienteve të një lokali, kur një person i maskuar afrohet dhe qëllon mbi dy shqiptarët, ku njëri mbeti i vrarë ndërsa një tjetër u plagos.
Plumbat kanë kapur edhe një grua, e cila ishte në lokal. Edhe ajo mbeti e plagosur dhe u transportua në spital.
Një dëshmitar okular përshkruan ngjarjen duke thënë se ka shkaktuar shumë panik.
“Ishim duke ngrënë dhe dëgjuan të shtëna. U futëm në panik. Pas pak minutash mbërriti policia dhe më pas një ambulancë. Burri që morën në ambulancë ishte gjallë. Por brenda dyqanit ishte ende një burrë i mbuluar me çarçaf”.