Një tërmet i fortë ka tronditur Kinën pasditen e së hënës, duke shkaktuar deri më tani të paktën 118 viktima dhe më shumë se 250 të plagosur në Gansu, provincë rurale e ndodhur në veri- perëndim.
Tërmeti ka qenë e fortësisë 6.2 ballë të shkallës Rihter dhe lëkundjet janë ndjerë në disa zona. Sipas autoriteteve vendase, vetëm në zonën e Qinghai kanë mbëtur viktima si pasojë e tërmetit 13 persona dhe 182 të tjerë janë plagosur.
Ekipet e kërkim-shpëtimit janë në terren dhe po përballen me mot të ftohtë, me temperatura nën -13 gradë Celsius, për të kërkuar të mbijetuarit.
