Një tërmet prej 7.4 ballë të shkallës Rihter e goditi Meksikën të hënën.
Shërbimi Gjeologjik i SHBA-së njoftoi se epiqendra e tërmetit ishte në bregun e Paqësorit.
“Tërmeti u regjistrua 46 kilometra në juglindje të qytetit të La Placita de Morelos në shtetin e Michoacan dhe epiqendra ishte në një thellësi prej 10 km”, thuhet në njoftim.
Një paralajmërim për cunami u lëshua gjithashtu, ndërkaq në rrjetet sociale u publikuan pamje nga ky tërmet.
