Ai tha se në Tiranë zhvaten çdo ditë 17 mijë euro, ndërsa në një vit vidhen 6.2 milionë euro për groposjen e mbetjeve me dhera.
“Ka dy vjedhje në këtë mes. E para që thotë 120 mln euro, ndërkohë që janë paguar gjysma e kësaj shume dhe aty nuk ka as themele të hapura. Janë paguar 60 mln euro, është një çmenduri. E dyta, ke koston e menaxhimit 29 euro. Deri para 4 vitesh për këtë që po bëhet paguhej 11-12 euro. Sot ka 4 vite që paguhet 29 euro, 17-18 euro më tepër për ton. Tirana merr 1 mijë ton në ditë, 17 mijë euro është vjedhja në ditë për një gjë e cila është e rreme, është vjedhje. 17 mijë euro vidhen nga secili nga ne nga Edi Rama dhe Erion Veliaj. Në 365 ditë, 17 mijë euroshi i bie 6.2 mln euro në vit. Shumëzuar për 4 vite, i thonë rreth 25 mln euro. Këtu nuk hyn 128 mln euro i ndërtimit.
Paratë shkojnë në off shore. Këto off shore janë të regjistruara nën disa off shore të tjera. Kemi më pas off shoren ‘gjyshe’ Prokuroria thotë nuk i hetoj dot se shkojnë te off shore, nuk rrinë në Tiranë. Menaxhimin e off shore gjyshe e ka një shtetas ruse me një shtetas holandez. Drejtues të tyre ka qenë Klodian Zoto, Ernesto Graneli dhe tjetri që është në kërkim ndërkombëtar“, tha Malltezi.