Sekretari i Përgjithshëm i NATO-s, Jens Stoltenberg do të qëndrojë edhe një vit në postin e tij.
Vendimi vjen në mes të luftës së Rusisë në Ukrainë dhe pritet të shpallet gjatë samitit të NATO-s që po zhvillohet sot, 24 mars, në Bruksel, Belgjikë.
Stoltenberg ishte gati të jepte dorëheqjen këtë shtator me shumë kandidatë për postin e përmendur, duke përfshirë ish-kryeministren britanike Theresa May dhe ish-presidenten e Lituanisë Dalia Grybauskaitė.
Megjithatë, Aleanca thuhet se ka rënë dakord ta lërë atë të qëndrojë në detyrë për shkak të situatës së rëndë të sigurisë në rajon.
Mandati i Stoltenberg tashmë është zgjatur dy herë, duke e bërë atë Sekretarin e Përgjithshëm më jetëgjatë në historinë e Aleancës.
©kumtari.al
