Kontrolli i Lartë i Shtetit nis hetimet për Ministrinë e Kulturës dhe Drejtorin e Cirkut, Ilirjan Gjini për shembjen e Cirkut Kombëtar.
Kërkesa në KLSH është depozituar nga artistët, të cilët kërkojnë hetime për veprimet apo mosveprimet e kryera nga Cirku Kombëtar dhe Ministria e Kulturës.
Artistët kërkojnë një hetim më të thellë mbi mënyrën e menaxhimit të veprimtarisë së Cirkut Kombëtar nga ana e titullarit të këtij institucioni.
Më 21 tetor autoritetet shembën Cirkun Kombëtar që ndodhej në afërsi të qendrës së Tiranës, pasi trualli ku ishte ngritur çadra do i rikthehet pronarit.
Kryetari i Sindikatës së Artistëve të Cirkut, Julian Kazazi ka deklaruar se do të vijojnë protestat për shembjen e Cirkut Kombëtar.
Ai hodhi akuza ndaj Ministrisë së Kulturës se nuk është paraqitur në seancat gjyqësore për marrjen vendimit për shembjen edhe pse ka pasur dijeni./Euronews