Kandidati i opozitës për Bashkinë e Tiranës, Belind Këlliçi uroi gratë me rastin e festës së 8 Marsit.
Këlliçi bëri me dije se kjo ditë e rëndësishme përkon edhe me ditëlindjen e nënës së tij.
“8 marsin e kam ditëlindjen e njeriut më të shtrenjtë. Edhe 100 mam!
Sot e kam dyfish urim, edhe për ju zonja dhe zonjusha që i jepni botës jetë dhe dashuri. Një ditë e dedikuar nuk mjafton për të shprehur rolin e pazëvendësueshëm që keni në jetët tona, për durimin, përkushtimin dhe streset që kaloni çdo orë me ne gjininë e pandreqshme.
Uroj të jeni gjithmonë të lumtura dhe të vlerësuara!” shkruan Këlliçi në mesazhin e tij.
