Vazhdon seanca në Gjykatën e Apelit për çështjen e vulës së PD-së.
Përfaqësuesi i demokratëve, Ivi Kaso insistoi se grupimi i Enkelejd Alibeajt nuk duhej pranuar si palë
Ai shtoi se gjyqtarja Blerina Muça ka shkelur ligjin duke e njohur Alibeajn si palë.
Në kundërshtim me ligjin, Enkelejd Alibeaj ka bërë ankim, dhe po në shkelje të ligjit, gjyqtarja Blerina Muça e ka pranuar këtë ankim. Deputeti Enkelejd Alibeaj nuk legjitimohet si ankimues dhe ne kërkojmë që kjo të jetë gjeja e parë që të merret në shqyrtim nga Gjykata e Apelit.
Ankimi duhet të mos ishte pranuar sepse nuk përmbush shkaqet. Personi nuk ishte palë në proces. Ligji parashikon qartë se çfarë është ankimi dhe gjithashtu parashikon edhe kriteret minimale që duhet të plotësohen. Ankimi është akti në të cilën palët ose palët e tjera në proces ankimojnë një vendim. Pra, që të ankimosh një vendim, duhet të jesh palë ose pjesëmarrës në proces.
Në vendimin objekt ankimi, duket qartë që palë në këtë proces ishte vetëm Partia Demokratike e Shqipërisë, palë që, pasi është njohur me arsyetimin e vendimit, nëpërmjet përfaqësuesit, Ivi Kasos, përfaqësues i Komisionit të Rithemelimit, i ka komunikuar Shkallës së Parë që ka hequr dorë nga ankimi. Pra, pala në proces ka hequr dorë nga kjo e drejt pasi kërkesa ishte pranuar e plotë dhe nuk kishte asnjë arsye për ankim,” tha Kaso.
