Gjykata Kushtetuese është tashmë me 8 anëtarë.
Ditën e sotme, u zhvillua mbledhja e Posaçme e gjyqtarëve të Gjykatës së Lartë e cila zhvilloi procedurën e votimit për zgjedhjen e anëtarit të Gjykatës Kushtetuese, bazuar në listën e dërguar për këtë qëllim nga Këshilli i Emërimeve në Drejtësi.
Në përfundim të procesit të votimit, komisioni zgjodhi me 13 vota, Ilir Toskën.
Toska do të zëvendësojë në detyrë gjyqtarin Gani Dizdari.
