Deputetja demokrate, Grida Duma, në një deklaratë për mediat, përgënjeshtroi kreun e grupit parlamentar të PD, duke u shprehur se nuk ka pasur një dakordësi në grupin parlamentar për rezolutën ku u kërkua tërheqja e Sali Berishës.
“Nuk ka pasur një dakordësi të grupit parlamentar. Nuk e pranoj të thuhet se është qëndrim i grupit parlamentar. Ne e kemi lënë që vendimi i grupit të ishte i dakordësuar me 99 përqind. Vendim grupi, ku nuk është gjysma e grupit parlamentar, nuk ka.
Duhet bërë një bisedë e gjerë, ku mund të diskutohen të gjitha. Negociatat nuk nisin me përjashtim. Qëndrimin tim do e bëj të ditur, por di që arti i negociatës nuk nis as me kushtëzime paraprake, as me përjashtime paraprake,” tha Duma.
©kumtari.al
Na ndiqni ne Facebook në Kumtari.al/News