Një hetim i Observer, zbulon se dhjetëra fëmijë azilkërkues janë rrëmbyer nga bandat nga një hotel në Brighton i drejtuar nga Zyra e Brendshme.
Në një artikull të publikuar në gjigantin mediatik “The Guardian”, thuhet se fëmijët rrëmbehen nga rruga jashtë hotelit dhe futen në makina.
“Fëmijët po merren nga jashtë ndërtesës, po zhduken dhe nuk gjenden. Ata po merren nga rruga nga trafikantët”, sipas burimit.
“Home Office” është paralajmëruar vazhdimisht nga policia se banorët e pambrojtur të hotelit (fëmijët azilkërkues që kishin mbërritur së fundmi në Mbreterinë e Bashkuar pa prindër ose kujdestarë) do të ishin në shënjestër të bandave kriminale.
Rreth 600 fëmijë të pashoqëruar kanë kaluar nëpër hotelin Sussex në 18 muajt e fundit, me 136 që raportuar të zhdukur.
Sekretarja e brendshme, Yvette Cooper, e përshkroi zbulimin si “të tmerrshëm dhe skandaloz” dhe i bëri thirrje qeverisë të zbulonte se sa fëmijë ishin zhdukur dhe çfarë po bëhej për t’i gjetur ata.
Ajo shtoi: “Suella Braverman, sekretarja e Brendshme, ka dështuar të veprojë sipas paralajmërimeve të përsëritura që i janë dhënë në lidhje me masat mbrojtëse për fëmijët në kujdesin e tyre. Është një shpërdorim total i detyrës për “Home Office” që të dështojë në mbrojtjen e sigurisë së fëmijëve ose në goditjen e bandave të rrezikshme duke i vënë ata në rrezik. Ministrat duhet të vendosin urgjentisht masa të reja mbrojtjeje.”
Informatori i Mitie tregon se 10% e të rinjve zhdukeshin çdo javë. Burimi për mbrojtjen e fëmijëve tha se disa nga fëmijët e humbur nga hoteli Brighton mund të jenë trafikuar deri në Mançester dhe Skoci. Një rast është nën hetim nga policia Metropolitane në Londër.
Të dhënat e zbuluara në tetor treguan se 222 fëmijë të pashoqëruar azilkërkues mungonin në hotelet e drejtuara nga Home Office. Ministrat pranuan se nuk kishin asnjë ide për vendndodhjen e tyre.
Të dhënat e reja të publikuara sipas Aktit të Lirisë së Informacionit tregojnë se fëmijët e sapoardhur të pashoqëruar kalojnë mesatarisht 16.5 ditë në hotelet e Home Office përpara se të transferohen në kujdesin e këshillit në të gjithë vendin.
“Autoritetet lokale kanë një detyrë ligjore për të mbrojtur të gjithë fëmijët, pavarësisht se nga janë zhdukur. Në rastin shqetësues kur një fëmijë zhduket, ata punojnë ngushtë me agjencitë e tjera lokale, përfshirë policinë, për të përcaktuar urgjentisht vendndodhjen e tyre dhe për t’u siguruar që ata janë të sigurt”, ka deklaruar Zyra e Brendshme.
