Ikja e Ronaldos në Manchester United ka sjellë edhe reagimet e Bonuccit dhe Chiellinit.
Por Ronaldo e ka një përgjigje për të dy, madje i cilëson si nxënës të “këqij” të klasës.
Mbrojtësi i Juventusit, Leonardo Bonucci tha se prezenca e Ronaldos në ekipin e Juventusit e ka ulur shpirtin garues.
Ronaldo thotë: “Unë tani jam 36 vjeç dhe kam fituar gjithçka në karrierë. Nuk shqetësohem aspak për ato që të tjerët thonë. E bëj gjumin mjaft mirë. Shkoj në shtrat me ndërgjegjen e pastër.”.
Ylli portugez ka thënë se gojët e liga i mbyll në fushë.
“Shoh vetëm përpara dhe jam i bindur që do të mbyll shumë gojë të liga në të ardhmen. Kritikat janë pjesë e lojës, por nuk më interesojnë. Po ju jap një shembull. Në një klasë ka nxënës të mirë dhe të këqij”.
“Nëse e pyet nxënësin e keq: A të pëlqen nxënësi më i mirë, ai do të thotë jo. Kështu e ka edhe futbolli”, deklaroi pesë herë fituesi i Topit të Artë.
