Clinton shtrohet në spital

Mëngjesin e sotëm është raportuar se ish-presidenti amerikan Bill Clinton është duke u trajtuar në spital për një infeksion.

Sipas mediave ndërkombëtare, ai është pranuar në spital të martën në mbrëmje.

Agjencia e lajmeve “Reuters” ka shkruar se 75-vjeçari është pranuar në një spital në Kaliforni për një infeksion jo COVID-19.

Sipas “Reuters”, Angel Urena, zëdhënësja e Clinton-it, ka bërë të ditur se ky i fundit është duke marrë shërim në spital, pas dy ditësh trajtimi.

“Ai është në shërim, me shpirt të mirë dhe tepër mirënjohës për mjekët, infermierët dhe stafin që i japin atij kujdes të shkëlqyeshëm”, ka shkruar Urena në Twitter.

Ndërsa, sipas “CNN”, Clintoni shkoi në spital pasi ndjeu lodhje, dhe pastaj u diagnostifikua me një infeksion të qarkullimit të gjakut, për të cilën mjekët besojnë se filloi si një infeksion i traktit urinar.

Në një artikull të publikuar, “CNN”-i ka shkruar se mjekët e Clinton-it, Alpesh Amin dhe Lisa Bardack kanë thënë se “ai u pranua në spital për monitorim të afërt dhe i janë dhënë antibiotikë dhe lëngje”.

“Ai mbetet në spital për monitorim të vazhdueshëm. Pas dy ditësh trajtimi, numri i qelizave të bardha të gjakut po zvogëlohet dhe ai po i përgjigjet mirë antibiotikëve” thanë ata në një deklaratë.

Ata shtuan: “Ne shpresojmë që ai të kthehet në shtëpi së shpejti”, shkruan CNN.

Read Previous

Korça feston ditëlindjen e Sali Berishës!

Read Next

Zgjedhjet lokale në Kosovë. Si funksionon zgjedhja e kryetarit të komunës?/ Gratë në politikën lokale

Leave a Reply

Your email address will not be published.