Ambasadorja amerikane Yuri Kim ka reaguar pas arrestimeve të zyrtarëve të Ministrisë së Brendshme me urdhër të SPAK, që akuzohen se kanë shkelur barazinë në tenderin e uniformave të policisë së shtetit.
Kujtojmë se reforma në drejtësi është investim i SHBA-BE, dhe pas çdo ngjarje nga ana e institucioneve të reja të drejtësisë, nuk mungon asnjëherë reagimi i ambasadorëve, kryesisht asaj të Shteteve të Bashkuara.
Më poshtë postimi i ambasadores amerikane në Twitter:
“Mirë që shohim më shumë veprime të SPAK kundër korrupsionit.
Abuzimi ose manipulimi i proceseve të prokurimit publik është njësoj si të vjedhës të gjithë qytetarët (përfshirë edhe qytetarët e Sh.B.A. taksat e të cilëve sigurojnë ndihmën e SHBA për Shqipërinë) për të “fryrë’ kuletat e vetes ose të “miqve”. Është një krim.”
