Unaza e Madhe, ndryshon qarkullimi në segmentin ish-dogana – pallati me shigjeta

Është hapur për qarkullimin e mjeteve aksi kryesor nga Ura e Lanës deri te Pallati me Shigjeta, duke filluar nga orët e para të së dielës.

Sipas ARRSH, duke filluar nga orët e para të mëngjesit të datës 26.09.2021 automjetet që do të vijnë nga autostrada Durrës-Tiranë, pas daljes nga Galeria 5, do të devijojnë majtas duke përdorur karrexhatën e re të rrugës kryesore majtas Loti 2, duke shmangur kështu rrethin provizor tek “O-Zone” e duke vazhduar më pas pa ndërprerje drejt “Pallatit me Shigjeta”.

Për automjetet që do të kenë destinacion Yzberishtin, Bulevardin “Migjeni”, “Kombinatin” për një periudhë 2-javore nuk do të kenë ndryshime në qarkullim, pas kësaj periudhe, do të kanalizohen në rrugën e re paralele të krahut të djathtë.

“Kërkojmë mirëkuptimin e banorëve dhe përdoruesve të rrugës për këto ndërhyrje që po kryhen në këtë aks deri në përfundimin e plotë të këtij projekti“, thekson ARRSH.

Read Previous

Berisha sulmon Bashën nga Vlora: I kapur peng nga Rama

Read Next

Përrallë nga e ardhmja…

Leave a Reply

Your email address will not be published.