Ish-Presidenti i SHBA-ve, Donald Trump doli mbrëmjen e sotme para Gjykatës së Manhatanit për 34 akuzat penale të ngritura ndaj tij.
Trump qëndroi në sallën e gjyqit rreth 57 minuta dhe më pas u lirua me kusht.
CNN raporton se seanca e radhës për ish-presidentin amerikan do të mbahet më 4 dhjetor, në Nju Jork.
Ndërkohë, gjatë seancës, Donald Trump u deklarua i pafajshëm për 34 akuza.
Akuzat për ish-presidentin e SHBA rrjedhin nga një hetim për një pagesë për të blerë heshtjen e aktores së filmave pornografikë, Stormy Daniels gjatë fushatës presidenciale të 2016-ës.