Autori i një studimi të ri diskutoi ndikimet e dëmshme për pacientët me Covid, simptomat e të cilëve zgjasin muaj pasi u infektuan fillimisht.
“Puna jonë dhe puna e të tjerëve ka treguar se kjo ndikon në aftësitë e njerëzve për të bërë plane, për të sintetizuar informacionin dhe për të kryer aktivitetet e tyre të përditshme të punës,” tha David Putrino, Drejtor i Inovacionit të Rehabilitimit në Spitalin Mount Sinai në Nju Jork. “Ata vuajnë nga një humbje e madhe e kujtesës dhe paaftësia për të krijuar kujtime të reja, si dhe vështirësi në të folur. Kjo është një gjendje shumë dobësuese me kushte serioze njohëse.”
Në studimin e Putrino-s, studiuesit ekzaminuan se sa kohë mund të ndikojë Covid në aftësinë e njerëzve për të punuar, dhe ata zbuluan se gati gjysma e të gjithë “pacientëve me shenja afatgjata” të anketuar thanë se nuk ishin në gjendje të ktheheshin plotësisht në punë. Studimi zbuloi gjithashtu se gati dy të tretat e pacientëve me shenja afatgjata të Covid raportojnë “mjegullim të trurit”, e cila përfshin humbjen e kujtesës./Cnbc
kumtari.al
