Sokol Cikalleshi përfshihet në formacionin e javës në Arabinë Saudite

Cikalleshi po gjen vetveten në Arabinë Saudite. Deri më tani, sulmuesi shqiptar i cili aktivizohet në elitë te ekipi i Al Khaleej, në 13 javë kampionat, ka shënuar 3 gola dhe ka asistuar 2 herë.

Së fundmi, ai është përfshirë në formacionin e javës. Cikalleshi ishte protagonist kryesor në fitoren e skuadrës së tij 3-2 ndaj rivalëve të Al Wehda.

Për 32-vjeçarin, ky është edicioni i parë me fanellën e gjelbër, më parë ka luajtur në Turqi për Konyaspor, apo edhe Akhisarspor.