Një grua dyshohet se është vetëhedhur në lumin Vjosë rreth orës 14:15 të ditës së sotme, në hyrje të qytetit të Përmetit.
Bëhet fjalë për shtetasen me iniciale F. D., rreth 75 vjeçe.
Menjëherë pas marrjes së njoftimit, në vendngjarje kanë shkuar shërbimet e Policisë, të cilët në bashkëpunim me qytetarët, kanë bërë të mundur nxjerrjen e kësaj shtetaseje, nga ujërat e lumit.
Shtetasja F. D. u transportua në spital për të marrë ndihmën mjekësore dhe është jashtë rrezikut për jetën.
Në vendngjarje ndodhet grupi hetimor, i cili po punon për dokumentimin e plotë të rrethanave të kësaj ngjarjeje.
