Duket se po përsëritet historia e fletëve të pavlefshme në Tiranë, ashtu edhe si në zgjedhjet e vitit 2021.
Në një raportim live nga KZAZ numër 30 në kryeqytet, gazetari i SYRI TV, Alfred Guraj, është shprehur se në këtë vendnumërimi votash është numri më i madh i fletëve të pavlefshme në kryeqytet.
Sipas gazetarit të SYRI TV, në këtë KZAZ janë 1400 fletë votimi të pavlefshme. Vetëm në njësinë administrative të Farkës janë shënuar 200 fletë votimit të pavlefshme.
Në KZAZ-në numër 30, janë mbledhur kutitë e qendrave të votimit të 13 njësive në Tiranë, dhe bëhet fjalë për njësi që janë në periferi të qytetit të Tiranës, si zona e Farkës, Petrelës, Ndroqit, etj.
