Kreu i Partisë së Lirisë, Ilir Meta ka dhënë një mesazh të fortë për të gjithë qytetarëve të Kosovës të cilët kanë dalë të marshojnë ditën e sotme në mbështetje të ish-krerëve të Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi, Rexhep Selimi dhe bashkëluftëtarët e tyre që ndodhen në Hagë.
Meta u shpreh se shqiptarët do të kërkojnë gjithmonë drejtësi dhe se UÇK-ja është e shenjtë, ashtu si dhe liria.
Ndër të tjera Meta është shprehur se shpreson që komandatët dhe luftëtarët e lirisë që po gjykohen në Hagë të kthehen sa më shpejt.
“Sot dhe gjithmonë çdo shqiptar do të kërkojë Drejtësi dhe vetëm Drejtësi.
UÇK-ja është e shenjtë, ashtu si liria.
Përshëndes qytetarët e Kosovës që sot pa dallim partie kanë dalë në mbështetje të Drejtësisë.
Shpresojmë që të na kthehen të lirë, sa më shpejt, luftëtarët e lirisë që po gjykohen në Hagë”, shkruan ai.
