Unë nuk e kundërshtoj detyrimisht këtë teori, por moskundërshtia vjen vetëm nëse Kushtetutën e shoim si një ligj të zakonshëm që nuk zbatohet.
Megjithatë, përpara se të spjegoj konceptin tim për Kushtetuën e re, dua të tërheq vëmendjen se kjo Kushtetutë që kemi:
nuk i jep përgjigje atyre që me një furgon me policë u merret prona ditën për diell pavarësisht se e kanë me çertifikatë pronësie;
nuk i jep përgjgje atyre që u hiqet apo kufizohet liria pa një proces të rregull ligjor;
nuk i jep më përgjigje atyre të votojnë në shumicë kundër monizmit, por monizmi qëndron në pushtet;
nuk i jep shpresë askujt që do të marrë një shërbim shtetëror pa ndërhyrë tek patronazhisit politik;
nuk i jep më përgjigje askujt që dëshiron të jetë në Evropë, teksa sheh drejtimin e vendit drejt Anadollit dhe Rusisë; etj etj.
Kjo Kushtetutë, e vetmja në rruzull që përmban në tekstin e saj fjalën “korrupsion”, nuk jep përgjigje përse korrupsioni shtohet!!!
Me këtë Kushtetutë shqiptarët nuk zgjedhin e as vendosin për gjë, por thjesht votojnë të bindur që s’kanë gjë në dorë tashmë…
Për mua si në tekst ashtu edhe në frymë kjo Kushtetutë, e cila është masakruar nga ndërhyrjet politike në vite, ka kry punë.
Ajo nuk përçon më as idenë e një shteti jo partiak, as idenë e një demokracie të vërtetë e as një organizim shtetëror serioz e të përgjegjshëm.
Ndaj ka kry punë!
Mirëpo debati mbi Kushtetutën nuk është vetëm ligjor.
Në radhë të parë Kushtetuta është debat social.
Kushtetuta është marrëveshja e shoqërisë me shtetin e saj.
Marrëveshja e shoqërisë me shtetin e saj e vitit 1999, u dëmtua rëndë nga ndërhyrja e politikës.
Ndaj na duhet një marrëveshje e re e cila të ketë në thelemin e saj këto elementë kryesorë:
-Paprekshmërinë e lirive të të drejtave themelore.
-Shtetin jo partiak në veprim.
-Pushtetin që buron vetëm nga vota dhe asnjë formulë tjetër politike.
-Demokracinë direkte si element themelor vetvendosës.
-Drejtësi mbi çdo pushtetet politik.
-Ekonomi të pastër tregu.
Në këto terma shoqëria duhet të përgatitet për një marrëveshje të re me shtetin, jo me pushtetin.
Pas kësaj marrëveshje kanë kuptim reformat e thella shtetformuese.
Pa këtë marrëveshje, zvarritja do jetë e gjatë dhe e dhimbshme. ©Kumtari.al