KFOR-i mbështet aksionin e Policisë së Kosovës

KFOR-i në Kosovë mbështet aksionin e policisë në katër rajone të vendit, ndër to edhe Mitrovica.

KFOR-i e quan legjitim aksionin e Policisë së Kosovës:

“Policia e Kosovës po kryen një operacion të zbatimit të ligjit në të gjithë Kosovën. Misioni i KFOR-it i drejtuar nga NATO është në komunikim të vazhdueshëm me të gjitha institucionet përkatëse në Kosovë dhe me përfaqësuesit e Komunitetit Ndërkombëtar. Dhe mbetet plotësisht i fokusuar në zbatimin e përditshëm të mandatit të tij në OKB – sipas Rezolutës 1244 të Këshillit të Sigurimit të Kombeve të Bashkuara të vitit 1999 – për të vazhduar sigurimin e një mjedisi të sigurt dhe të sigurt dhe lirinë e lëvizjes për të gjitha komunitetet që jetojnë në Kosovë”, thuhet në përgjigjen e NATO-s.

Më tej, në përgjigje thuhet se KFOR-i vazhdon të mbështesë marrëveshjen e fundit të arritur mes Kosovës dhe Serbisë sa i përket targave.

Vlen të ceket se kjo është java e dytë që KFOR-i është pozicionuar në dy vendkalimet kufitare me Serbinë, Jarinë dhe Bërnjak, pas marrëveshjes së arritur mes dy shteteve për targa.

KFOR ka marrë nën kontroll situatën në këto vendkalime kufitare pas dy javësh që serbët kishin ngritur bllokada në rrugë, pasi Kosova kishte vendosur të aplikojë masën e reciprocitetit për targa.

Read Previous

Christopher Hill rikthehet në Ballkan si ambasador

Read Next

Samiti në Beograd: Në njërën anë flitej për paqen në tjetrën shiteshin armë

Leave a Reply

Your email address will not be published.