Kandidati i PD-së për Bashkinë e Tiranës, Belind Këlliçi ka nxjerrë dy vendime të Këshillit Bashkiak, atë të vitit 2019, ku thuhet se fushat multisportive ofrohen falas, ndërsa në vitin 2022 hyrja në një fushë sportive do të tarifohet.
Kjo është një babëzi e paparë nga ana e Veliajt, për t’u zbrazur xhepat të rinjve, shkruan Këlliçi.
Postimi i plotë i Belind Këlliçit
“Dy fytyrat e Veliajt!
2019
Me vendim të Këshillit Bashkiak, fushat multisportive ofrohen falas.
2022
Fushat sportive tarifohen.
Paguhet tarifë për hyrjen në një fushë që nuk të ofron as topin. Duhet ta sjellësh vetë, bashkë me uniformat.
Paguhet për fusha që nuk sigurojnë minimumin e infrastrukturës sportive.
Një babëzi e paparë për t’u zbrazur xhepat të rinjve.
I pangopuri mos u ngoptë!”, shkruan Këlliçi.
