Kandidati i opozitës për Tiranën, Belind Këlliçi tha mbrëmjen e sotme se kryebashkiaku i Tiranës, Erion Veliaj nuk i ka ngjitur shkallët e karrierës në politikë me forcat e veta.
Ai tha në emisionin e Endri Xhafos se Veliaj i ka marrë postet dhuratë, ndëaj edhe pretendon se kryeministri Edi Rama tallet me të publikisht.
Sipas tij, kryebashkiaku socialist i detyrohet Ramës për karrierën politike.
“Rrugëtimi im në parti ka kaluar nga aktivist i thjeshtë deri në këtë fazë që jam aktualisht si kandidat për bashkinë. Ndërsa Veliaj i ka marrë të gjitha postet dhuratë dhe për këtë arsye Edi Rama e tall, i thotë lyej shkallët në orën 05:00 të mëngjesit, e le në një cep në takime të tjera. Të gjitha këto sepse Veliaj i detyrohet atij për karrierën politike. Me mua nuk ndodh kjo, kam takuar 8000 anëtar e simpatizantë partie në Primare”, theksoi Këlliçi.