Sipas IGJEUM-it, në 24 orët e fundit vetëm në zonën e Bulqizës janë shënuar gjashtë lëkundje sizmike.
Sizmologun Rrapo Ormeni shprehet se nuk ka asgjë për t’u shqetësuar. Ky është një tërmet i vogël, normal tha ai.
“Kjo e sotmja duket se është një goditje kryesore. Tërmetet janë dy tipologji, goditja kryesore ka para dhe pas goditje. Shumica janë pasgoditje. Është tipi i tërmetit që është shoqëruar me paragoditje. Janë procese normale që ndodhin. Ky tërmet është normal, i vogël” tha Ormeni.
Sizmiologu tha se se nuk ka lidhje me tërmetin e Durrësit të 26 Nëntorit dhe se zona e Bulqizës është e dalluar për tërmete.
“Nuk ka lidhje. Është zonë tjetër nuk ka lidhje me zonën e Durrësit. Zona e Bulqizës është e dalluar, bie në cdo cdo vit një tërmet i kësaj madhësie”.
