Bordi editorial i gazetës së njohur amerikane, “The Wall Street Journal”, transmeton Nacionale, ka vlerësuar se presidenti i ShBA-së, Joe Biden, është shumë i moshuar për të garuar përsëri në zgjedhjet presidenciale.
“Publiku e kupton atë që Bideni, si duket, nuk do ta pranojë: se zgjedhje e një personi që hyn në dekadën e nëntë të jetës me rënie të qartë për katër vite të tjera do të mund të ishte një gabim historik”– shkruajnë redaktorët e kësaj gazete.
“Të kërkosh nga vendi që të zgjedhë një burrë që është 80 vjeç dhe mandati i dytë i të cilit do të përfundonte kur ai të jetë 89 vjeç, është veprim i rrezikshëm që kufizohet me egoizmin”– shkruhet më tej në editorial.
Sipas redaktorëve, Shtëpia e Bardhë mundohet që ta fshehë atë që, sipas tyre, është dobësim i shëndetit të presidentit, “por rënia e tij është e qartë për secilin që nuk është i verbër me dashje”.
Ata i përmendën mungesën e konferencave për gazetarë, paraqitjet me shënime në dorë dhe pengesat e presidentit në publik si dëshmi për gjendjen e tij.
“Njerëz të ndryshëm plaken me shpejtësi të ndryshme, por rreziku nga një rënie e përshpejtuar për Bidenin është i konsiderueshëm. Gjasa që ai të mund të shërbejë gjatë mandatit të dytë në plotësi zor se është e garantuar”– shkruan gazeta.
“Në atë rast, votuesit e pavendosur do të mund të anonin nga një i nominuar i Partisë Republikane, i cili të paktën do të mund t’i plotësonte detyrat e vështira të zyrës. Po, madje edhe Donald Trumpi”– thuhet në editorial.