Të paktën 280 njerëz janë vrarë dhe më shumë se 200 të tjerë janë plagosur pasi një tërmet i fuqishëm goditi pjesë të largëta të Afganistanit juglindor dhe Pakistanit fqinj, thotë autoriteti i menaxhimit të fatkeqësive të vendit.
Shumica e vdekjeve të konfirmuara ishin në provincën lindore afgane të Paktikas, ku ishin vrarë 255 persona, tha të mërkurën zyrtari i ministrisë së brendshme Salahuddin Ayubi.
Në provincën Khost, 25 njerëz ishin vrarë dhe 90 u dërguan në spital, tha ai.
“Numri i të vdekurve ka të ngjarë të rritet pasi disa nga fshatrat janë në zona të thella në male dhe do të duhet pak kohë për të mbledhur detaje,” tha ai.
Kreu i ministrisë së fatkeqësive natyrore të administratës talebane, Mohammad Nassim Haqqani, tha më herët se po kryheshin hetime për të përcaktuar nëse kishte më shumë viktima.
Fotografitë në mediat afgane treguan shtëpi të rrënuara.
©kumtari.al
