Numri i të vdekurve nga një tërmet i fuqishëm në Afganistan është rritur në 1,000, me më shumë se 1,500 të tjerë të plagosur, sipas Departamentit të Kulturës dhe Informacionit të Talibanëve, ndërsa shpëtimtarët përpiqen të arrijnë në vendin e katastrofës në provincat e largëta Paktika dhe Khost.
Shërbimi Gjeologjik i Shteteve të Bashkuara (USGS) tha se magnituda e tërmetit në orët e para të së mërkurës ishte 5.9, duke rishikuar një vlerësim fillestar në 6.1. Epiqendra e tërmetit ishte rreth 46 km (27 milje) nga qyteti i Khost, pranë kufirit me Pakistanin, tha USGS.
“Njerëzit po gërmojnë varr pas varri,” tha Muhammad Amin Huzaifa, kreu i Departamentit të Informacionit dhe Kulturës në Paktikën e goditur rëndë.
“Po bie shi dhe të gjitha shtëpitë janë shkatërruar. Njerëzit janë ende të bllokuar nën rrënoja”, u tha ai gazetarëve.
Më herët, zyrtari i ministrisë së brendshme Salahuddin Ayubi tha se numri i të vdekurve ka të ngjarë të rritet “pasi disa nga fshatrat janë në zona të largëta në male dhe do të duhet pak kohë për të mbledhur detaje”.
