Shtrimet në spitale në 2022 u shtuan 8% pas pandemisë; Fluksi më i lartë në kardiologji dhe psikiatri

NEW YORK, NY – APRIL 15: Medical workers work a night shift outside of a special coronavirus intake area at Maimonides Medical Center on April 15, 2020 in the Borough Park neighborhood of the Brooklyn borough of New York City. Hospitals in New York City, which have been especially hard hit by the coronavirus, are still struggling with an influx of COVID-19 cases. (Photo by Spencer Platt/Getty Images

Sipas të dhënave të raportit të monitorimit të Ministrisë së Shëndetësisë dhe Mbrojtjes Sociale për vitin 2022 në total numri i të shtruarve në spitale ishte 277,881 paciaentë. Pas pandemisë së Covid-19 në 2022 ky është numri më i lartë i shtrimeve në spitale. Krahasuar me vitin 2019 shtrimet në spitale janë ulur 10,5%.

Në 2020-n shtrimet në spitale ranë për shkak të frikës nga inflektimet e Covid-19. Mjekët paralajmëruan se pas pandemisë do të ketë rritje sidomos të ndërhyrjeve kirurgjike në zemër si bypass-e, e stent-e coronare, për shkak të problemeve post Covid-19 që duhet të trajtoheshin në kohë.

Për vitin 2022 shtimi më i lartë të sëmurëve është për pacientët të trajtuar në kardiologji/kardiokirurgji dhe në spitalet psikiatrike. Shtrimet në kardiologji janë rritur 23% krahasuar me 2021. Ndërsa trajtimi i pacientëve në spitalet psikiatrike u rrit 17,5%. Mjekët psikiatër edhe me herët trendin rritës së pacientëve në këto spitale e lidhin me shtimin e përdorimit të lëndëve narkotike nga të sëmurët që lenë spitalin pas rehabilitimit.

Për 2022 gjithashtu ka një rritje të kontrolleve për depistimin e kancerit të gjirit (kontroll që shërben pwr identifikimin ose jo të tumorit). Për 2022 numri i kontrolleve u rrit 43% në raport me një vit më parë. Ndërsa trajtimi me radioterapi për sëmundjet tumorale është shtuar 8,5% krahasuar me vjet.

Mjekja Onkologe Silvana Çeliku pohoi më herët për Monitor se për shkak të frikës nga infektimet me Covid-19 në 2020-2021 shumë gra hezituan të kryenin depistimet për kancerin e gjirit dhe mitrës. Sipas saj pasojat do të ndihen në shëndet, pasi Covid-19 pengoi diagnostikimet e hershme dhe rrezikon shtimin e fataliteteve për të prekurit me lloje të ndryshme të tumoreve.

Sakaq rastet e trajtuara nga njësitë e urgjencës mjekësore në 2022 ranë 81% krahasuar me periudhën paraardhëse, ndërsa shërbimi i personave që përfitojnë Check Up u shtua 1,7 herë më shumë.

Në 8 vitet e fundit për periudhën 2014 -2022 fluksi më i lartë i shtrimeve në spitale ka qenë në vitin 2019, me 310,315 të shtruar, ndërsa numri më i ulët i shtrimeve ishte në 2014./Monitor

Shtrimet në spitale në 2022 u shtuan 8% pas pandemisë; Fluksi

Shtrimet në spitale në 2022 u shtuan 8% pas pandemisë; Fluksi

Read Previous

Lajmet e rreme për diplomën e Belind Këlliçit/ Reagon Universiteti Coppin në SHBA

Read Next

Padia për çështjen “non-grata”/ Berisha: Nuk e tërheq, të më kërkojnë falje