Një kanadez që përballej me probleme të frymëmarrjes u diagnostikua si pacienti i parë në botë që vuante nga “ndryshimi i klimës”, pasi mjekët thanë se valët e të nxehtit dhe cilësia e dobët e ajrit ishin përgjegjëse për gjendjen e tij.
Sipas Independent, Dr Kyle Merritt, përgjegjës për diagnozën e një qytetari të moshuar nga Nelson në Kolumbinë Britanike, i cili vuante nga astma, tha se kjo ishte hera e parë në një dekadë që ai shkruante ndryshimin e klimës si një shkak vuajtjeje.
“Nëse nuk po shikojmë shkakun themelor dhe thjesht po trajtojmë simptomat, thjesht do të vazhdojmë të biem gjithnjë e më shumë prapa”, tha mjeku i dhomës së urgjencës për Glacier Media.
“Jam unë duke u përpjekur të përpunoj atë që po shoh,” shton ai.
Në qershor, Kanadaja vuajti nga një valë historike e të nxehtit, e ndjekur nga një sezon i dendur smogu i shkaktuar nga zjarret.