Nju Delhi ka mbyllur shkollat deri në një njoftim të dytë, u ka kërkuar njerëzve të punojnë nga shtëpia dhe ka ndaluar kamionët jo esencialë të hyjnë në kryeqytetin indian për shkak të niveleve të rrezikshme të ndotjes së ajrit, raporton Aljazeera, përcjell Kumtari.
Një nga qytetet më të ndotura në botë – shtëpia e rreth 20 milionë njerëzve – Nju Delhi mbulohet çdo dimër me një batanije të trashë smogu.
Të shtunën, qeveria e shtetit të Delhi kishte urdhëruar mbylljen e shkollave për një javë dhe ndaloi punën e ndërtimit për katër ditë.
Por me një urdhër të miratuar vonë të martën, Komisioni për Menaxhimin e Cilësisë së Ajrit për Delhi tha se të gjitha institucionet arsimore duhet të qëndrojnë të mbyllura deri në një njoftim të dytë.
©kumtari.al
