Senati italian votoi të mërkurën për të bllokuar debatin mbi një projekt-ligj që do ta bënte dhunën ndaj grave dhe personave LGBT+ një krim urrejtjeje, duke rrëzuar në mënyrë efektive një propozim të miratuar më parë nga dhoma e ulët e parlamentit.
Projektligji, i mbështetur nga Partia Demokratike (PD) e qendrës së majtë, ka shkaktuar diskutime të ashpra në Itali, ku përfshihet edhe Vatikani, duke thënë se mund të kufizojë lirinë fetare të Kishës Katolike.
Senati prej 315 anëtarësh votoi me 154 kundër 131 për të bllokuar diskutimin e mëtejshëm mbi projektligjin pasi partitë e qendrës së djathtë thanë se teksti do të frenonte opinionet kundërshtuese për çështjet LGBT+, duke përfshirë ata që pretendojnë se një familje kërkon bashkimin e një burri dhe një gruaje.
Parlamenti nuk do të jetë në gjendje të rihapë diskutimet mbi ligjin e propozuar për gjashtë muajt e ardhshëm dhe ligjvënësit e qendrës së majtë besojnë se do të jetë e pamundur ta miratojnë atë përpara se legjislatura të përfundojë në fillim të vitit 2023.
“Ligji vdiq,” i tha Reuters senatori i PD Dario Parrini.
Grupet e avokimit të LGBT+ thonë se homofobia është një problem serioz në Itali .
Vatikani kishte frikë se ligji mund të çonte në kriminalizimin e Kishës në Itali për refuzimin e kryerjes së martesave homoseksuale, për kundërshtimin e birësimit nga çiftet homoseksuale ose refuzimin për të mësuar teorinë gjinore në shkollat katolike./Marrë me shkurtime nga reuters
kumtari.al
