Franca dhe Gjermania përkujtuan Traktatin e Elysee në Paris në një shfaqje të miqësisë mes dy vendeve Presidenti francez Emmanuel Macron mirëpriti kancelarin gjerman Olaf Scholz në Universitetin e Sorbonës, ku të dy udhëheqësit mbajtën fjalime duke u zotuar se do të vazhdojnë të forcojnë këtë marrëdhënie. Kancelari Sholz tha se ‘’Sfidat me të cilat evropianët duhet të përballemi kanë ndryshuar rrënjësisht. Në ditët e sotme, nuk bëhet fjalë më për të shmangur një luftë brenda unionit tonë, por për të ruajtur dhe mbrojtur rendin tonë evropian të paqes dhe vlerat tona kundër forcave centrifugale që ekzistojnë brenda unionit tone dhe mbi të gjitha kundër kërcënimeve nga jashtë. U shoreh me tek kancelari gjerman, sipas të cilit këtu konsiston projekti evropian i paqes në kthesën historike që po përjetojmë”.
Shcolz tha se “Kjo dëshmohet veçanërisht nga vendimet e ditëve të fundit për t’i dorëzuar Ukrainës automjete të blinduara luftarake.
Presidenti Macron tha se kjo ditë nuk duhet të jetë thjesht një festë, por një premtim, një angazhim, një thirrje dhe një ambicie të re.
“Në një kohë kur historia duket se ka dalë sërish nga vargjet e saj, le të gjejmë motivimin për të përmbushur shpresën që kishin vendosur tek ne të gjithë ata që na paraprinë”, deklaroi presidenti francez.
Traktati i Elysee, një marrëveshje pajtimi e pasluftës, u nënshkrua në Paris gjashtëdhjetë vjet më parë, më 22 janar 1963, nga kancelari gjerman Konrad Adenauer dhe homologu i tij francez, presidenti Charles de Gaulle.
Udhëheqësit francezë dhe gjermanë Emmanuel Macron dhe Olaf Scholz mbajtën një takim të përbashkët me ministrat e tyre të ekonomisë, financave dhe ndryshimeve klimatike në Paris pas një takimi të përbashkët të kabinetit. Samiti franko-gjerman u shty nga tetori për shkak të tensioneve midis Parisit dhe Berlinit për çështje të tilla si plani i Gjermanisë kundër inflacionit, një projekt evropian i avionëve luftarakë dhe masat për të adresuar krizën energjetike. Në një editorial të përbashkët dy ditë më parë, Macron dhe Scholz thanë se donin të ndërtonin së bashku një Evropë për brezin e ardhshëm dhe ndanin të njëjtën ambicie për një Evropë elastike, të fuqishme dhe sovrane.
