Rritje pagash dhe pensionesh para fushatës, Berisha sfidon Ramën: Në 15 maj do të të çjerrim maskën e bamirësit

Ish-kryeministri Sali Berisha nga Elbasani pohoi se Rama me maskën e ‘bamirësit’ po shkel ligjin elektoral, duke premtuar rritje rrogash administratës apo lëmosha prej 5 mijë lekësh për pensionistët.

Ai tha se kjo është një shkelje e hapur e ligjit dhe se në 15 maj do i çjerrin maskën prej bamirësi Ramës.

Berisha: Pluralzimi ka faktuar se është sistemi i mundësive, i begative të shoqërive. Pse ikin shqiptarët?! Shkaku më kryesor i ikjes së tyre, është varfëria në rritje. Në 2008 ne kombi i tretë më i varfër i planetit që ishim në 204 dollarë për frymë. Sali Berisha si president kishte rrogë 16 dollarë. Me lumenj djerse u ngritëm, u vendosëm me familje e të ardhura të mesme dhe të larta. Në 2012-ën shqiptarët ishin më të paguarit në Ballkan. Në 2013-ën u ndërtuan qindra km rrugë dhe shkolla e institucione shëndetësore. Kjo jo se kishte para më shumë se këto 8 vite, por paratë ishin më pak. Borxh morën 4% të prodhimit të brendshëm. Kurse Edi Rama ka rritur borxhin me 43 %. kam marrë 5 mld euro borxh. Në këto 8 vite ka vjedhur qytetarët sa asnjë kryeministër në Europë dhe botë. Sot ai për të fshehur fytyrën e hajdutit të shëmtuar ka vendosur maskën e bamirësit. u thotë pensionistëve; ja ku e keni një 5 mijë lekësh. Apo ju premton rritje rrogash administratës. Vetëm me bordet komuniste, me çmimet që rriti, sipas ekonomistëve, ai ka grabitur 430 mijë lekë çdo qytetari, një rrogë. Ky njeriu që premtoi rrogën e 13, ia vodhi dhe rrogën e 12 qytetarëve. Dua t’i them se ligji elektoral është ligj elektoral. Vërtetë se ke vendosur maskën e bamirësit, por të garantoj se do të çjerrim çdo maskë në 15 maj dhe do të tregojmë fytyrën e vërtetë para qytetarëve. Ka ligje elektorale dhe norma elektorale, dhe mendon se do i kalosh ato me maskën e bamirësisë. Në 15 maj maskën do të të çjerrim.

Read Previous

Luçiano Boçi: Në sheshin e burrave, të ndajmë të bardhën nga e zeza

Read Next

Berisha nga Elbasani: Të zgjohemi dhe të firmosim ndryshimin në 14 maj