Kryeministri Rama ka postuar një foto nga takimi me drejtorin ekzekutiv të Pfizer, Albert Bourla, në Nju Jork.
Shqipëria është ndër vendet që ka ecur mirë me procesin e vaksinimit kundër COVID-19, por deri më tani nuk ka asnjë lloj transparence nga ana e qeverisë shqiptare në lidhje me paratë e shpenzuar për blerjen e vaksinave.
Asnjë kontratë e bërë publike për çmimin e vaksinave, pagesat, sasinë etj nuk gjendet asgjëkundi.
Krahas detyrës për vaksinimin e popullsisë qeveria ka detyrim edhe transparencën e gjithë këtij procesi për publikun, gjë të cilën nuk e ka bërë dhe vazhdom të mos e bëjë.
Nisur nga kjo sjellje e kryeministrit të vendit, ky lajm klasifikohet nga kumtari.al si më-the-të-thashë (thashethem).
Më poshtë postimi i plotë i Ramës në Facebook:
“Në zyrat qendrore të kompanisë Pfizer në Nju Jork, me drejtorin ekzekutiv Dr.Albert Bourla, i cili na hapi dyert një vit më parë duke na mundësuar nisjen e vaksinimit përpara të tjerëve në rajon dhe duke na e lehtësuar ndjeshëm luftën me Armikun e Padukshëm”🙏