Përdhunimi i 11-vjeçares në Prishtinë, jep dorëheqjen Drejtori i Përgjithshëm i Policisë së Kosovës

Drejtori i Përgjithshëm i Policisë së Kosovës, Samedin Mehmeti ka dhënë dorëheqjen këtë të martë.

Lajmin e ka bërë të ditur të martën ministri i Punëve të Brendshme, Xhelal Sveçla, përmes një postimi në Facebook.

Dorëheqja e Mehmetit vjen pas rastit të rëndë që ndodhi në Prishtinë, ku një vajzë 11-vjeçare dyshohet se është përdhunuar nga pesë persona.

“Sot gjatë ditës kam pranuar kërkesën për dorëheqje nga z. Samedin Mehmeti, Drejtor i Policisë së Kosovës. Kjo kërkesë sipas z. Mehmeti erdhi pas rastit të fundit të dhunimit të 11 vjeçares, për arsye personale dhe ndërgjegje profesionale”, ka shkruar Sveçla.

Ai ka bërë të ditur se në vend të tij është caktuar Fehmi Hoti.

“Tashmë Kryeministri Kurti ka liruar nga detyra z. Mehmeti dhe ka caktuar si ushtrues detyre të Drejtorit të Përgjithshëm z. Fehmi Hoti, Zëvendësdrejtor i Policisë së Kosovës. Me këtë rast falënderoj z. Mehmeti për angazhimin e deritanishëm dhe bashkëpunimin e mirë si dhe i uroj suksese në detyrat e mëtejme në Policinë e Kosovës”.

Read Previous

EMRAT/ U ekzekutua nga vëllai, zbardhet emri i viktimës, nga të shtënat me armë iu vra dhe bashkëshortja

Read Next

Dikur ortak në agjencinë turistike, por sot i vrau/ Viktima kishte kërkuar mbrojtje nga policia pas kërcënimeve të vëllait. Çifti la pas 3 fëmijë