PD denoncon nepotizmin në bashkinë e Tiranës, publikohet lista me emërimet

Partia Demokratike denoncoi këtë të mërkurë nepotizimin në bashkinë e Tiranës, ku janë punësuar njerëz nga e njëjta familje,  për pagat e të cilëve janë shpenzuar rreth 1 milionë euro në vit nga taksat e qytetarëve.  PD publikoi edhe  listën e punonjësve të bashkisë, ku nga vëzhgimi  i pjesshëm i nëpunësve, tek 270 emra, 127 rezultojnë emërime nepotike.  Siç dallohet në  listë, Drejtori i Inspektoratit ka të punësuar vëllanë, kunatin dhe kunatën.

Drejtorja e “Tirana Parking” ka të punësuar motrën, bashkëshortin dhe kunatin, ndërsa drejtori i Policisë Bashkiake ka të punësuar bashkëshorten dhe nipin.

Zëdhënësja e fushatës së  opozitës për bashkinë e Tiranës, deklaroi se ky është shpërdorim i padrejtë i taksave të kryeqytetasve nga Erion Veliaj, i cili sipas saj ka lënë borxh mbi 10 milionë euro në 2 mandate që ka drejtuar bashkinë e Tiranës.

Sipas Bardhit, ka ardhur koha për ndryshim dhe me 14 maj, banorët e Tiranës e kanë në duart e tyre ta kthejnë bashkinë në normalitet e në shërbim të qytetit e jo të kryetarit.

Read Previous

Denoncime dhe shkelje gjatë fushatës elektorale/ Koaliconi “Bashkë Fitojmë” prezanton platformën “transparenca.com”

Read Next

Të shtëna me armë zjarri në një lokal në Shëngjin, një i vrarë