Njihuni me fshatin, shtepitë e të cilit shërbejnë si rrugë

Në fshatin e lashtë malor të Sar Agha Seyed çatitë e shtëpive shërbejnë si rrugë. Ekspertët besojnë se fshati i rrallë daton prej kohës së paleolitit dhe ashtu si shumë vendbanime të kësaj zone është gdhendur në faqen e malit nga kolonët e parë të ardhur në zonë, çka daton mijëra vjet më parë. Aktualisht i vetmi dokument ekzistues për vjetërsinë e Sir Agha Seyed është historia e familjes Imamzah, që tregon për rezidencën e saj aty prej të paktën 600 vjet më parë.

Njerëzit në zonë fitonin jetesën e tyre me anë të bujqësisë dhe vitet e fundit në të është rritur dhe turizmi. Fshati gjendet në zemër të maleve Zagros, 135 km larg Shahrekord dhe 230 km larg Isfahan në zonat qendrore të Iranit. Shtëpitë e tij janë vendosur thuajse njëra mbi tjetrën, teksa janë ndërtuar me baltë, gur dhe dru. Por ato janë gjithsesi të forta e me mure të gjera për të parandaluar që i ftohti të hyjë brenda.

Gratë e fshatit gatuajnë ushqimin në soba me dru dhe pjekin bukën në furrat e tyre. Produktet e tyre përfshijnë drithërat, patate dhe gjithashtu bulmetin nga kafshët e kultivuara. Gratë e Sar Agha Seyed punojnë përkrah burrave të tyre, thurrin tenda nga leshi i dhive, të cilin e punojnë gjithashtu në mënyrë artizanale.

Rezidentët luajnë muzikë në instrumentin vendas Sorna dhe kryejnë kërcime tradicionale në ceremoni. Mes gatimeve të njohura përmendet Ash Kardin, e cila gatuhet me një bimë vendase mali, me oriz dhe erëza të tjera, e shoqëruar me bukë Golak e cila prodhohet nga mielli i frytit të lisit. Banorët e Sir Agha Seyed ndjekin rregullisht ceremonitë dhe besimet fetare, me rite të gjera të mbajtura në ditë festash dhe në muajin e Ramazanit.

Read Previous

Fjala më e kërkuar në Wikipedia për 2023

Read Next

Shqipëria po varfërohet nga njerëzit, 30% e bashkive rrezikojnë të shuhen totalisht