“Një minutë heshtje për Edmond Spahon”, PD kërkesë Kuvendit: Përjashtoni 10 ditë Elisa Spiropalin

Partia Demokratike ka kërkuar zyrtarisht përjashtimin me 10 ditë nga seancat plenare për ministren për Marrëdhëniet me Parlamentin, Elisa Spiropali.

Ky fakt është bërë i ditur nga deputetja e Partisë Demokratike, Ina Zhupa. Sipas PD-së, Spiropali përdori gjuhë fyese në drejtim të Edmond Spahos.

“Një minutë heshtje për Edmond Spahon. Do të jetë në zemrat tona”, tha Spiropali dje në Kuvend.

Postimi i Zhupës:

Kërkojmë zyrtarisht përjashtimin 10 ditë nga kuvendi të Elisa Spiropalit për gjuhën e përdorur në drejtim të deputetit Edmond Spaho.

Duke përfituar nga përjashtimi pa rregulla i bërë deputetit Spaho dhe mos prezenca e tij në sallë që të merrte përgjigjen që meritonte, Elisa Spiropali nxorri arsenalin e saj fyes që i shkon përshtat komunikimit që përdorin rilindasit në zyrat e shtetit por që nuk përputhet me kodin etik të kuvendit.

Në parlament e kanë bërë zakon të fyejnë dhe të mallkojnë pa pyetur për kod etik sepse kanë kartonat e mandateve të blera që i mbrojnë dhe rregulloren e kanë kthyer në copë letër për recitim parlamentar.

“Një minutë heshtje për Edmond Spahon”, PD

“Një minutë heshtje për Edmond Spahon”, PD

Read Previous

Këlliçi: 2023-shi e gjen Tiranën me administrator

Read Next

Berisha: Alibasha, një skllav mjeran i Edi Ramës