“Shqipëria shpopullohet, por burgjet mbipopullohen.Vetëm qeveria e “Rilindjes” mund ta sillte këtë situatë absurde!” – Kështu e ka komentuar, kryetari i PL, Ilir Meta, shqetësimin e ngritur së fundmi nga Avokati i Popullit për mbipopullimin dhe mungesën e kushteve për të dënuarit në burgun e Elbasanit.
Meta e ka ngritur në vazhdimësi problemin e largimit nga vendi të mijëra familjeve, veçanërisht të brezit të ri për mungesën e perspektivës në vendin e tyre dhe sot, ankimimi që kanë bërë disa të burgosur tek Avokati i Popullit, nuk është tjetër vetëm një dëshmi më shumë që edhe kjo kategori në numër të kufizuar, po përjeton vështirësi në kushtet e qëndrimit, ushqimit dhe mjekimit për shkak të indiferencës dhe mungesës së investimeve nga qeveria.
