Maqedonia vendos të ulë çmimin e naftës. Po Shqipëria?

Komisioni Rregullator për Energjetikë (KRRE) në Maqedoninë e Veriut ka vendosur uljen e çmimit të naftës dhe nënprodukteve të saj.

Sipas vendimit të shpallur, çmimi më pakicë i naftës dhe nënprodukteve të sah do ulet mesatarisht me 1,03 %, shkruan Alsat.

Çmimi i shitjes me pakicë i ЕURODIZELIT (D-Е V) ulet me 1,50 denarë/litër, ndërkaq çmimet e shitjes me pakicë të benzinës ЕUROSUPER BS-95 dhe ЕUROSUPER BS-98 nuk ndryshojnë.

Çmimi i shitjes me pakicë i Vajit Ekstra të Lehtë për Gatim(EL-1) ulet për 1,00 denarë/litër.

Çmimi i shitjes me pakicë i Мazutit М-1 SU ulet për 0,607 denarë/kilogram dhe tani do të jetë 41,245 den/kg.

Nga data 23.11.2021, ora 00:01 çmimet maksimale të derivateve të naftës do të jenë:

Benzinë për motorë EUROSUPER BS95 – 75,00 denarë/litër (1.21 euro/litër)

Benzinë për motorë EUROSUPER BS98 – 77,00 denarë/litër (1.25 euro/litër)

Naftë për motorë EURODIZEL BS (D-E V) 66,50 denarë/litër (1.08 euro/litër)

Vaj për gatim (EL-1) 66,00 denarë/litër (1.07 euro/litër).

Kjo ulje çmimi ndodh në një vend që nuk është as prodhues nafte.
Në Shqipëri, vend prodhues, çmimi i naftës po arrin shifra rekord, 190/lek litri, më i larti në rajon.

Read Previous

“Open Balkan” mbahet sot në Beograd. Konferencës do i bashkohet dhe kryeministri Rama

Read Next

Skandal me fondet e UEFA-s, bllokohen llogaritë e FSHF për transferta të jashtëligjshme: Armand Duka mund të përfundojë në burg