“Kriminele lufte! Jashtë!” – Protestuesit ‘prishin’ ceremoninë e emërimit të Hillary Clinton si kancelare e universitetit në Irlandën Veriore

Ish-Sekretarja amerikane e Shtetit dhe kandidatja presidenciale Hillary Clinton u bë kancelarja e parë femër e Universitetit të Mbretëreshës në Belfast, por hyrja e saj triumfuese u prish disi nga protesta e dhjetëra personave të cilët e quajtën atë një ‘kriminele lufte’.

Clinton u përurua të premten si kancelarja e parë femër e Queen’s, një universitet publik që daton në vitet 1840. Ajo në fakt u emërua në mandatin pesëvjeçar në vitin 2020, por zyrtarizimi i saj u vonua për shkak të pandemisë Covid-19.

Thirrjet ‘Turp për Mbretëreshën! Turp të kesh!’ dhe ‘Kriminele lufte! Jashtë! Jashtë! Jashtë!’ mund të dëgjohen nga protestuesit jashtë portave të universitetit teksa Clinton hyri në ndërtesë e një vajzë e vogël që ndiqte pas, i mbante pelerinën.

“Ne jemi të kënaqur që Sekretarja Clinton ka qenë në gjendje të udhëtojë në Belfast për t’u bërë zyrtarisht si kancelarja e 11-të i universitetit,” tha Ian Greer, presidenti dhe zëvendës-kancelari që në fakt drejton Queen’s çdo ditë. Ai e quajti Clinton ‘një nëpunëse publike të njohur ndërkombëtarisht e cila ka treguar një përfshirje të gjatë ndaj Irlandës Veriore’.

Clinton-it iu dha një doktoratë nderi nga universiteti në vitin 2018, në njohje të ‘shërbimit të saj të jashtëzakonshëm publik në SHBA dhe global dhe për kontributin e saj në paqe dhe pajtim’ në Irlandën Veriore./Hashtag.al

Read Previous

Rama nis vizitën zyrtare në Kosovë

Read Next

Gjermania voton: SPD kryeson me një epërsi të dobët, CDU përjeton gjendjen më të dobët në dekada

Leave a Reply

Your email address will not be published.